நடமாடும் சேவையில் இன நல்லுறவைக்கட்டியெழுப்ப தென்னங்கன்றுகள் வழங்கிவைப்பு

வவுனியாவில் பொலிசாரினால் இடம்பெற்றுவரும் நடமாடும் சேவையில் பொதுமக்களுக்கும் பொலிசாருக்கும் இடையே நல்லுறவைக்கட்டியெழுப்பவும் வலுப்படுத்தும் நடவடிக்கையாக தென்னங்கன்றுகள் வழங்கிவைக்கும் நிகழ்வு நேற்று (18) பிற்பகல் 3மணியளவில் ஈரப்பெரியகுளம் பொலிஸ் நிலையத்தில் வன்னிப்பிராந்திய பிரதிப் பொலிஸ்மா அதிபர் சேபந்து தென்னக்கோன் கலந்துகொண்டு வன்னிப்பிராந்தியத்தில் இயங்கும் 22 பொலிஸ் நிலையங்களுக்கும் பொலிசாரினால் இடம்பெற்றுவரும் நடமாடும் சேவை பொதுமக்களுக்கு தென்னங்கன்றுகளை வழங்கிவைப்பதற்கு ஒரு பொலிஸ் நிலையத்திற்கு 100 தென்னங்கன்றுகள் வீதம் வழங்கிவைக்கப்பட்டுள்ளது.

வன்னிப்பிராந்திய சமுதாய பொலிஸ் பிரிவின் ஏற்பாட்டில் இடம்பெற்ற இந்நிகழ்வில் இலங்கை பொலிஸ்மா அதிபரினால் நாடுபூராகவும் மேற்கொள்ளப்படும் நடமாடும் சேவையில் பலாமரம் நடுகை, தென்னங்கன்றுகள் நாட்டிவைப்பு போன்ற பல்வேறு வேலைத்திட்டங்கள் இடம்பெற்றுவருவதாகவும் வன்னிப்பிராந்திய பிரதிப் பொலிஸ்மா அதிபர் தெரிவித்தார் 22 பொலிஸ் நிலையங்களின் பொறுப்பதிகாரிகள், சமுதாய பொலிஸ் பிரிவின் உறுப்பினர்கள், பொதுமக்கள் பொலிசார் என பலரும்  கலந்துகொண்டனர்.

கல்குனாமலை பாடசாலை மாணவர்களின் கலை நிகழ்வுகளுடன் ஆரம்பமான நிகழ்வின் இறுதியில் ஈரப்பெரியகுளம் பொலிஸ் நிலையத்தில் வன்னிப்பராந்திய பிரதிப் பொலிஸ்மா அதிபரினால் ஞபாகார்த்தமான தென்னங்கன்று ஒன்றும் நாட்டிவைக்கப்பட்டது.